کار او ټولنیزو چارو وزارت کې د عالي رتبه کارکوونکو د دارایۍ ثبتولو عامه پوهاوي پروګرام جوړ شو.
په دې ناسته کې چې د کار او ټولنیزو چارو وزارت د غونډو تالار کې جوړ شوی وو، د کار او ټولنیزو چارو وزارت د بشري سرچینو رئيس فردوس فرخ امیری د خپلو خبرو په ترڅ کې د کارمندانو د دارایۍ ثبتول د شفافیت، ځواب ویلو او وزارتونو د کارونو په ښه والي کې مهم کار یاد کړ، زیاته یې کړه چې د کار او ټولنیزو چارو وزارت اړوند هغه کسان چې دارایۍ ثبتولو لپاره د شرایطو وړ دي، زیاترو یې د دارایۍ فورمې ډک کړي او دغه پروسه لا هم روانه ده.
په ناسته کې د جمهوري ریاست د چارو ادارې د تخنیکي معاونیت د دارایۍ د ثبت او بررسۍ د عامه پوهاوي آمر عبدالصبور حبیب هم د یادو فورمونو ډکولو اړوند خبرې و کړې او وورسته احسان الله حیات د دارایۍ د ثبت ادارې د معرفي کولو، ایمل یوسفزي د فورمونو ډکولو او احمد صفا رزمنده د دارایۍ ثبتولو او اشاعه قانون اړوند تفصیلي پریزنتیشنونه وړاندې کړل.
په پای کې هم د ګډون والو تر منځ ازاد بحث و شو او د جمهوري ریاست د چارو ادارې د تخنیکي معاونیت د دارایۍ د ثبت او تدقیق کارپوه له خوا د ګډونوالو پوښتونو ته ځوابونه وویل شول.
