کندز کې ۶۰ تنو ځوانانو ته د فني او حرفوي زدهکړو زمینه برابره شوه
د کندز ولایت د کار او ټولنیزو چارو ریاست په هڅو؛ ۶۰ تنو ځوانانو ته د مبايل ترمیم، موټرسايکل ترمیم او د سولر سيسټم ترمیم په حرفو کې د اووه میاشتنیو نظري او عملي زدهکړو لپاره زمينه برابره شوه.
په همدې مناسبت جوړې شوې غونډې ته د کندز ولایت د کار او ټولنیزو چارو ریاست استازي په خپلو خبرو کې د ډاکار همکارې مؤسسې له همکاریو د مننې سربېره وویل: د ا.ا.ا په ځانګړې ډول د کار او ټولنیزو چارو وزارت دنده او مسئولیت دی، چې هېوادوالو ته په بېلابېلو برخو کې د فني او حرفوي زدهکړو زمینه برابره کړي، ترڅو دوی وکولي شي خپلو کورنیو ته د حلالې نفقې د پیداکولو وسیله وګرځي.
همداراز نوموړي له ځوانانو وغوښتل، چې له ترلاسه شوي فرصت څخه ښه استفاده وکړي او خپل کسب نورو هېوادوالو ته هم ورسوي، ترڅو په ټولنه کې د بېکارۍ کچه راټیټه شي.
