د کار او ټولنيزو چارو وزير د افغانستان لپاره د کډوالۍ نړيوال سازمان مشر سره و کتل.
د کار او ټولنيزو چارو وزير بشير احمد ته ينج په داسې حال کې چې د کاري چارو مرستيال سيدعبدالکريم هاشمي هم حضوردرلود، د افغانستان لپاره د کډوالۍ نړيوال سازمان (IOM) مشر ستيوارت سمپسون سره د خپل کار په دفتر کې و کتل.
په دې ليدنه کې دواړو لوريو د کولمبوک پروسې پر دوريي رهبرۍ خبرې و کړې.
ناسته کې د افغانستان لپاره د کډوالۍ نړيوال سازمان (IOM)مشر د يادې پروسې پر کړنو او د دوروي رهبرۍ پر ليږد معلومات وړاندې کړل، زياته يې کړه، چې د دې پروسې رهبري هر دوه کاله د يو غړي هيواد له خوا پر مخ وړل کيږي، چې د اوس لپاره د نيپال هيواد پر غاړه دی او وروسته له دې به د دوو کلونو لپاره د افغانستان له خوا رهبري کيږي.
نوموړي وويل، چې د انتقال پروسه يې د کورنا له امله بايد په انلاين او يا هم د جينوا له طريقه انتقال او پيل کې به د خطونو د تبادلې، حق العضويتونو تحويلولو او کاري پلان اړوند کار و شي.
د کار او ټولنيزو چارو وزارت وزير بشير احمد ته ينج د کولمبو پروسې برخه کې د کډوالۍ نړيوال سازمان (IOM) او نورو هيوادونو تخنيکي همکارۍ څخه مننه و کړه او ياده پروسه يې د کډوالو کارګرو پر وضعيت او هغوی ته د لازمو خدمتونو او اسانتياوو زمينې برابرولو برخه کې مهمه و بلله.
بشير احمد ته ينج همدارنګه وويل، چې د کولمبو پروسې دوروي رياست انتقال ته ژمن يو او د بهرنيو چارو وزارت او په جينوا کې افغانستان سفارت سره په ښه همغږۍ او د همکارو هيوادونو په مرسته به د کولمبو پروسې رهبري انتقال کړي.
د کولمبو پروسه ۲۰۰۳ کال کې د يوې غيرې انتفاعي او سيمه ايزې مشورتي پروسې مجموعې په توګه را منځ ته شوې ده، چې د افغانستان په شمول دولس هيوادونه ( بنګلاديش، کمبوديا، چين، هندوستان، نيپال، پاکستان، فلپين، سريلانکا، تايلند او ويتنام) يې غړيتوب لري او دغه پروسه د کډوالو کارګرو لپاره کار کوي.
