فني او حرفوي زده کړو ته د لارموندنې په موخه آزموينه واخيستل شوه.
درې سوه او اتيا تنو چې د افغان ـ جايکا د فني او حرفوي زده کړو مرکز ته د لار موندنې په موخه يې نوم ليکنه کړې وه، نن ورڅخه آزموينه واخيستل شوه، چې له دې ډلې به ۱۶۵ تنه د ياد مرکز د کمپيوټر، خياطۍ، برق او نلدوانۍ څانګو کې جذب شي.
د کاري چارو مرستيال محمد اجمل شاه پور د يادې آزموينې څخه د ليدنې پر مهال، شاګردان ښو او مسلکي زده کړو ته تشويق او په چارو کې يې ورته د بريا هيله وکړه.
د کار او ټولنيزو چارو وزارت له کلونو را په دېخوا په زرګونه ځوانان د فني او حرفوي زده کړو په برخو کې روزلي او د کار بازار ته ليږلي، چې ګڼ شمير يې دندې هم تر لاسه کړي.
