په سپین بولدک کې د کار او ټولنیزو چارو وزارت تخنیکي ټیم له لوري د بېرته راستنېدونکو کډوالو د ثبت لړۍ دوام لري

د افغانستان د اسلامي امارت له لورې د بېرته راستنېدونکو کډوالو د خدماتو د تنظیم کمیټې تر چتر لاندې، او د کار او ټولنیزو چارو سرپرست وزیر الحاج ملا عبدالمنان عمري د هدایت سره سم، د کار او ټولنیزو چارو وزارت تخنیکي ټیم؛ د کډوالو چارو آمریت او نورو ادارو سره په هم‌غږۍ په تیرو دوو ورځو کې د کندهار ولایت په سپین بولدک ولسوالۍ کې ۱۴۳۴بېرته راستنې شوې کورنۍ سیستم کې ثبت کړې.
یادې ۱۴۳۴ کورنۍ چې ۷۴۱۳ تنه بېرته راستنېدونکي هیوادوال کیږي سیستم کې د کاري تجربې، تحصیلاتو او مهارتونو لپاره ثبت شول.
د تیرې پنجشنبې په ورځ ۷۶۶ کورنۍ او د جمعې په ورځ ۵۶۸ کورنۍ ثبت شوې.
 د یادولو وړ ده چې یادو راستنیدونکو هیوادوالو د افغانستان د اسلامي امارت له لوري توظیف شوې یوې بلې ځانګړې کمیټې له لورې  هرې کورنۍ ته؛  لس زره افغانۍ نقدي مرسته ترسره، صحي خدماتو او هم د نورو مرستو لپاره هلته مېشتو نړیوالو مؤسساتو ته  هم وروپېژندل شول.
 په همدې توګه ۴ تنه بې‌سرپرسته ماشومانو ملاتړ وشو او د MPO مؤسسې ته معرفي شول.