پکتیا کې د روزنتون له ماشومانو سره د قرطاسيي توکو مرسته وشوه
د پکتیا ولایت د کار او ټولنیزو چارو ریاست اړوند روزنتون له ۱۰۰ تنو یتیمو او بې‌سرپرستو ماشومانو سره د قرطاسیي توکو مرسته وشوه.
د دې مرستو د وېش پر مهال د پکتیا ولایت د کار او ټولنیزو چارو رئیس قاري محمدرحیم نصرت په خپلو کې وویل: د کار او ټولنیزو چارو وزارت د نورو مسؤلیتونو د ترسره کولو ترڅنګ د یتیمو او بې‌سرپرسته ماشومانو ستونزو ته د رسېدنې ترڅنګ دې ماشومانو ته د ښوونې او روزنې سربېره د غوره ژوندانه ډېری اسانتیاوې او سهولتونه برابر کړي او له خپلې داخلي بودجې یې تمویلوي. نوموړي همدارنګه وویل: د پکتیا ولایت د کار او ټولنیزو چارو ریاست اړوند روزنتون له ۱۰۰ تنو یتیمو او بې‌سرپرستو ماشومانو سره مو د اویک همکارې مؤسسې په ملاتړ د دوه قلمه (کتابچو او قلمو) قرطاسیي توکو مرسته وکړه.
ورپسې د اویک(AWEC) مؤسسې ولایتي مسئول په خپله لنډه وینا کې وویل: موږ د دې روزنتون په ګډون د پکتیا ولایت د پوهنې ریاست له اړوندو ډېری ښوونځیو سره د قرطاسیي توکو مرستې کړې دي او په راتلونکې کې به نورې اړینې مرستې هم ترسره کوو.
