په کندز کې یتیمو او بېسرپرستو ماشومانو ته څه د باندې پنځهمیلیونه افغانیو په ارزښت د نغدي پیسو مرسته ووېشل شوه
د کندز ولایت د کار او ټولنیزو چارو ریاست په هڅو او همغږۍ؛ له۱۸۲ تنو یتیمو او بېسرپرستو ماشومانو سره، چې د ځانګړې سروې په ترڅ کې تشخیص شوي وو؛ في نفر ته په اوسط ډول ۳۴۹۸۰؛ مجموعاً ۵۳۵۵۴۲۰ افغانیو په ارزښت نغدي مرسته وشوه.
د یادې مرستې د وېش پرمهال د کندز ولایت د کار او ټولنیزو چارو ریاست استازي په خپلو خبرو کې د بشري مرستو د ټولنې(HAS) له همکاریو څخه د مننې سربېره له نور همکارو ملي او نړيوالو مؤسساتو او خیریه مرستندويه بنسټونو څخه وغوښتل، چې د ژمي په موسم کې د زیانمنو، د سرک پرمخ کارګرو، بېوزلو، یتیمو او بېسرپرستو ماشومانو لاس نیوی او ملاتړ وکړي او په دې برخه کې خپل بشري فعالیتونه لا پراخ کړي، ترڅو یادو قشرونو ته د ژوند اسانتیاوې برابرې شي.
