د کار انسټیټیوټ له لوري د کار او ټولنیزو چارو وزارت کارکوونکو ته ښونیز پروګرام پیل شو
د کار او ټولنیزو چارو وزارت اړوند؛ د کار انسټیټیوټ له لورې د یاد وزارت څه باندې ۳۰ تنه کارکوونکو ته د ظرفیت لوړونې په موخه د آفیس پروګرامونو ۴۵ ورځینی ښونیز پروګرام پیل شو.
په یاد ښوونیز پروګرام کې به کارکوونکي د اداري چارو اړوند مهارتونه زده کړي، چې پکې د ډیټابېس جوړول، سلایډونو او راپورونو ترتیبول، مکتوب لیکل، دفتري محاسبې، په مسلکي ډول داسنادو ترتیب او تنظیم، د جدولونو جوړول، احصائیوي او مالي راپورونو برابرول، پریزینټېشن جوړول، د اغېزمنې اړیکې مدیریت، د اسنادو بیاکتنه او ایډیټ، د بودیجوي پلان جوړول او نورې اړوند اداري چارې شاملې دي، ترڅو له دې مهارتونو څخه په اداري چارو کې او همدارنګه په ورځني ژوند کې ګټه واخلي.
د یادولو وړ ده چې د کار او ټولنیزو چارو وزارت هڅه کوي، ترڅو د وخت د اړتیاوو او غوښتنو پر بنسټ، د بېلابېلو امارتي او غیرامارتي ادارو کارکوونکو لپاره د ظرفیتلوړولو په موخه، لنډمهاله او اوږدمهاله، نظري او عملي ښوونیز او روزنیز ورکشاپونه تنظیمول. دا پروګرامونه به نه یوازې د کارکوونکو مسلکي وړتیاوې پیاوړې کړي، بلکې مراجعینو ته د معیاري او اغېزمنو خدمتونو د وړاندې کولو زمینه هم برابروي.
د کار انسټیټیوټ له لوري د کار او ټولنیزو چارو وزارت کارکوونکو ته ښونیز پروګرام پیل شو
د کار او ټولنیزو چارو وزارت اړوند؛ د کار انسټیټیوټ له لورې د یاد وزارت څه باندې ۳۰ تنه کارکوونکو ته د ظرفیت لوړونې په موخه د آفیس پروګرامونو ۴۵ ورځینی ښونیز پروګرام پیل شو.
په یاد ښوونیز پروګرام کې به کارکوونکي د اداري چارو اړوند مهارتونه زده کړي، چې پکې د ډیټابېس جوړول، سلایډونو او راپورونو ترتیبول، مکتوب لیکل، دفتري محاسبې، په مسلکي ډول داسنادو ترتیب او تنظیم، د جدولونو جوړول، احصائیوي او مالي راپورونو برابرول، پریزینټېشن جوړول، د اغېزمنې اړیکې مدیریت، د اسنادو بیاکتنه او ایډیټ، د بودیجوي پلان جوړول او نورې اړوند اداري چارې شاملې دي، ترڅو له دې مهارتونو څخه په اداري چارو کې او همدارنګه په ورځني ژوند کې ګټه واخلي.
د یادولو وړ ده چې د کار او ټولنیزو چارو وزارت هڅه کوي، ترڅو د وخت د اړتیاوو او غوښتنو پر بنسټ، د بېلابېلو امارتي او غیرامارتي ادارو کارکوونکو لپاره د ظرفیتلوړولو په موخه، لنډمهاله او اوږدمهاله، نظري او عملي ښوونیز او روزنیز ورکشاپونه تنظیمول. دا پروګرامونه به نه یوازې د کارکوونکو مسلکي وړتیاوې پیاوړې کړي، بلکې مراجعینو ته د معیاري او اغېزمنو خدمتونو د وړاندې کولو زمینه هم برابروي.
