د کړنو د لا ښه سمون او همغږۍ په موخه د مالي او اداري چارو مرستيال په مشرۍ ناسته و شوه.
د مالي او اداري چارو معينيت د کړنو لا ښه سمون او همغږۍ په موخه د مالي او اداري چارو مرستيال مسعودالله اورياخيل په مشرۍ ناسته و شوه، چې د ياد معينيت رئيسانو او آمرينو په کې ګډون کړی وه.
ناسته کې د مالي او اداري چارو معينيت اړوند رئيسانو د روزنتونونو رياست د البسې، محرقاتي موادو، دوا، د وزارت د معلوماتي تکنالوژۍ او قرطاسيې اړوند قراردادونو او په ټوله کې د مالي او حسابي چارو ښه پلي کېدو او ستونزو ته په وخت رسېدو اړوند هر اړخيزې خبرې و کړې او د ذکر شويو موضوعاتو اړوند د کړنو راپور يې د مالي او اداري چارو مرستيال سره شريک کړ.
د مالي او اداري چارو مرستيال د مسؤلينو د کړنو تر راپور اورېدو وروسته د رياستونو تر منځ پر لا ښې همغږۍ ټينګار و کړ او د موضوعاتو اړوند يې مسؤلينو ته لازمې لارښوونې او سپارښتنې وکړې.
