پکتیا ولایت کې ۱۸۰ تنو له اعتیاد څخه رغېدلو اشخاصو ته، د فني او حرفوي زدهکړو مرکز پرانیستل شو
د پکتیا ولایت د کار او ټولنیزو چارو ریاست له لوري، ۱۸۰ تنو له اعتیاد څخه رغېدلو اشخاصو ته د فني او حرفوي زدهکړو د مرکز پرانیسته وشوه.
هغه ناسته، چې په همدې موخه جوړه شوې وه او په کې د اقتصاد رئیس، د KRO مؤسسې او د ځینو نورو ولایتي ادارو استازو ګډون درلود؛ د پکتیا ولایت د کار او ټولنیزو چارو رئیس قاري عبدالرحیم نصرت مېلمنو ته د ښه راغلاست سربېره، څرګنده کړه: د خوښۍ ځای دی، چې د اعتیاد څخه رغېدلو ۱۸۰ تنو ته د مبایل ترمیم، نجارۍ، فلزکارۍ، د تعمیراتو د برښنا او خیاطۍ په حرفو کې د شپږو میاشتو لپاره د زدهکړو زمینه برابره شوه او دې سره به هغوی وتوانیږي د سالمو اشخاصو په توګه له کورنیو او ټولنې سره یوځای او د خپلو کارونو مالکان وګرخي. نوموړي له یادو اشخاصو و غوښتل، چې له وخت نه په ښې استفادې سره دې خپلو زدهکړو ته لازمه پاملرنه ولري.
