ننګرهار کې پر٦۰ تنو یتیمو او بېسرپرسته ماشومانو نقدي مرستې وویشل شوې
ننګرهار ولایت د کار او ټولنیزو چارو ریاست په هڅو ٦٠تنو یتیمانو او بېسرپرسته ماشومانو ته د ٦٦١٩١٠ افغانیو په ارزښت نقدي مرستې ووېشل شوې.
د یادو مرستو د ویش پر مهال د کار او ټولنیزو چارو رئیس مولوي فریدالله حقاني وویل: په یادو مرستو کې د استحقاق په بنسټ هرې کورنۍ ته له ١٠١٩٠ افغانیو څخه تر ٤٢٧٦٠ افغانیو پورې مرستې وویشل شوې؛ مولوي حقاني زیاته کړه: هڅه کوو یتیمو ماشومانو ته د ښوونې او روزنې ترڅنګ د مالي ملاتړ امکانات هم برابر کړو؛ نوموړي همداراز له نورو خیریه بنسټونو او مؤسساتو څخه غوښتنه وکړه، چې د یتیمو ماشومانو مرستو ته را ودانګي.
د یادولو وړ ده؛ چې یادې مرستې، د HAS بشري مرستو ټولنې په همکارۍ او مالي ملاتړ د یتیمو او بېسرپرستو ماشومانو مالي ملاتړ برنامې له لارې وویشل شوې
