بلخ، ارزګان، بدخشان او پکتیا ولایتونو کې ۲۸۲۴ اړمنو کورنیو، یتیمو او بېسرپرسته ماشومانو د نقدي پیسو، البسې او خوراکي توکو مرستې ووېشل شوې
د بلخ، ارزګان، بدخشان او پکتیا ولایتونو د کار او ټولنیزو چارو ریاستونو په هڅو او همغږۍ؛ ۲۸۲۴ اړمنو کورنیو، یتیمو او بېسرپرسته ماشومانو، چې په بلخ کې ۱۳۷۹، په بدخشان کې ۲۸۰، په پکتیا کې ۱۵۵ تنو یتیمو او بېسرپرسته ماشومانو او ارزګان کې ۱۰۱۰ اړمنو کورنیو ته د ۱۴۵۸۰۵۰۰ افغانیو په ارزښت د نقدي پیسو، البسې او خوراکي توکو مرستې ترلاسه کړې.
د مرستو د وېش پر مهال د یادو ولایتونو د کار او ټولنیزو چارو ریاستونو مسؤلینو له همکارو موسساتو څخه د مننې سربېره له نورو ملي او همکارو نړیوالو موسساتو او خیریه بنسټونو څخه هم د ورته مرستو او همکاریو غوښتنه وکړه، ترڅو په هېواد کې د اړمنو، بېوزلو کورنیو، یتیمو او بېسرپرسته ماشومانو ستونزو ته رسېدنه او تر یوه بریده ورته د ژوندانه لازمې آسانتیاوې برابرې شي.
یادونې وړ ده، چې په بلخ ولایت کې د العینټولنیزو مراقبتونو مؤسسې له لوري، ارزګان کې د یاد ولایت د کار او ټولنیزو چارو ریاست او د افغاني سرېمیاشتې ټولنې په همغږۍ سره، په بدخشان ولایت کې د هدف خیریه بنسټ او په پکتیا کې د یاد ولایت د مقام له لوري مرستې ووېشل شوې.
