تورخم او سپینبولدک کې مېشتو د کار اوټولنىزو چارو وزارت تخنىکي ټیمونو؛ راستنیدونکو هیوادوالو چوپړ ته دوام ورکړی
د افغانستان اسلامي امارت له لوري بېرته راستنېدونکو هیوادوالو ته د خدماتو د تنظىم کميټې سره په همغږۍ او د کار او ټولنىزو چارو سرپرست وزىر الحاج ملا عبدالمنان عمري د هداىت په اساس، د کندهار ولاىت په سپىن بولدک او د ننګرهار ولاىت په تورخم ښارګوټي کې د دې وزارت مېشتو تخنىکي ټىمونو پرون ټولټال ۱۶۱۴ تنه بېرته راستنېدونکيهیوادوال په سىستم کې ثبت او په اړونده برخو کې ىې هغوى ته لازم خدمات ترسره کړل.
د کار او ټولنیزو چارو وزارت د کارموندنې کاري کمیټې، د ننګرهار په تورخم ښارګوټي کې پرون ټول ۵۱۹ تنه بیرته راستنیدونکو هیوادوال ثبت کړل، چې په هغوی کې بکلوریا، فوق بکلوریا، ماهر او حرفهاي کاګران او غریبکار هیوادوال دي.
سپىن بولدک کې د کار او ټولنىزو چارو وزارت د تخنىکي ټىم په وىنا دوى توانىدلي چې پرون ۲۰۶کورنۍ، چې ۱۰۹۵ تنه بېرته راستنېدونکي کىږي؛ سىستم کې ثبت کړي دي.
هیره دی نه وي چې د اسلامقلعې بندر کې د په کمیټو د کار او ټولنیزو چارو وزارت ولایتي ټیم هم د بېسرپرستو ماشومانو په جذب، راستنیدونکو هیوادوالو ته د فني او حرفوي زدهکړو زمینې برابرولو او زیانمنو اقشارو ته د خدماتو به ترسره کولو کې هم فعاله ده.
د یادولو وړ ده چې د کار او ټولنىزو چارو وزارت د کاري فرصتونو کمىټې په سپىنبولدک ولسوالۍ او تورخم ښارګوټى کې د راستنىدونکو هىوادوالو کاري مهارتونه، تحصىل او تجربې ثبتوي؛ او بې سرپرسته ماشومان ته سرپناه ورکوي، ترڅو په راتلونکې د کاربازار هغوى د کاري فرصتونو په موندلو کې اسانتىا رامنځته شي، چې تردې دمه ىې ىوازې په تورخم کې ۱۷۱۸۸ تنه بېرته راستانه شوي هېوادوال په سىستم کې ثبت کړيدي.
