د افغان جایکا د فني او حرفوي زدکړو مرکز ته د زده کوونکو د جذب آزموینه واخیستل شوه
د کار او ټولنیزو چارو په وزارت کې د افغان جایکا فني او حرفوي زدکړو مرکز ته د داوطلبانو د لارموندنې آزموینه واخیستل شوه.
په دې آزموینه کې ۶۸۳ تنو داوطلبانو ګډون کړی وو چې له دې جملې څخه به ۱۸۰ تنه په پنځو رشتو(کمپیوټر، بریښنا، فلزکاري،نلدواني او خیاطۍ) کې جذب او شپږ میاشتې به په عملي اونظري توګه زدکړې وکړي.
د ویلو ده چې دا پروګرام د کار او ټولنیزو چارو وزارت له بودجې تمویلیږي او موخه يې د کار د بازار د اړتیاوو په اساس د ماهرو کارګروعرضه، د کاري فرصتونو برابرول، د لاسي صنایعو وده، د ټولنې ځان بساینه، د ځوانو کاري کادرونو جذب او د بیکارۍ د کچې ټیټول دي.
