د امید کمپ د تېرو قراردادونو د ستونزو څیړلو اړوند ناسته جوړه شوه.
د امید کمپ ( د معتادینو د ساتنې او د فني او حرفوي زده کړو مرکز) د تیرو قراردادنو څیړلو په موخه د کار او ټولنیزو چارو وزارت سرپرست ملا عبدالولي څارنوال( حاجي وارث) په مشرۍ غونډه جوړه شوه.
دغه ناسته چې د قرآن عظیم الشان په مبارکو آیتونو پیل شوه، د کار او ټولنیزو چارو وزارت سرپرست ملا عبدالولي څارنوال( حاجي وارث) په مشرۍ جوړه شوې وه، چې په کې د وزارت مقام د دفتر رئيس مولوي شرف الدين شرف د وزارت مقام د ټولنیزو چارو سلاکار رياض احمد محمد، د فني او حرفوي مرکزونو رياست مشر مولوي ميرحانم، د اداري او خدماتو رئيس سید فهیم هاشمي، د وړکتونونو تدریسي رئیس مولوي رحيم الله، د تهیه او تدارکاتو آمر، د مالي چارو آمر، د امید کمپ( د معتادینو د ساتنې او د فني او حرفوي زده کړو مرکز) آمر او د یاد مرکز لپاره د نیول شوي( قرارداد شویو) کور مالک حاجي غنچه ګل هم ګډون درلود.
د غونډې په پیل کې د کار او ټولنیزو چارو سرپرست ملا عبدالولي څارنوال( حاجي وارث) د ناستې ګډونوالو ته د ښه راغلاست په ویلو سره د امید کمپ او ورته قراردادونو څیړلو اړوند وویل: د قراردادونو له څیړلو څخه مو موخه انتقادي نه، بلکې د چارو اصلاح کول دي؛ څو په ښه توګه راتلونکي کې خپلې چارې په ښه توګه مخته یوسو؛ وزارت چې په کومو برخو کې باقیداري او تیرو مسؤلینو د بې غورې له وجې ستونزې لري باید ورته رسیده ګي او د دخیلو برخو په همکارۍ ورته حل لارې و لټوو.
نوموړي د دخیلو ریاستونو رئيسانو، استازو او د یاد کمپ لپاره د کورونو قراردادي( د کور مالک) څخه و غوښتل؛ څو د یادو قراردادونو اړوند خپل معلومات وړاندې کړي.
وروسته د تدارکاتو ریاست آمر د امید کمپ د قراردادونو اړوند معلومات وړاندې کړل و یې ویل: چې یاد قراردادونه ۱۳۹۹ کال کې د وخت د مهارتونو او پراختیا ریاست په وړاندېز ترسره شوي دي، چې د نورو اداري او مالي ستونزو برخه کې یې اړوند ریاستونه خبر او اجرات یې ترسره کړي دي.
همدارنګه ناسته کې د اداري چارو رئيس سید فهیم هاشمي، د مهارتونو د پراختیا ریاست استازي، د مالی چارو امر، د معتادینو د ساتنې او فنی او حرفوي زده کړو مرکز( امید کمپ) آمر او په بګرامیو کې د امید کمپ لپاره د قرارداد شوی کور مالک حاجي غنچه ګل او د غونډې نورو برخه والو هم په نوبت خبرې و کړې او د یادو قراردادونو د ستونزو اړوند یې مستند او د وخت د مسؤلینو له خوا د ستونزو جوړولو اړوند یې معلومات وړاندې کړل.
د کار او ټولنیزو چارو وزارت سرپرست ملا عبدالولي څارنوال( حاجي وارث) د ټولو دخیلو ادارو د رئيسانو او استازو د خبرو تر اوریدو وروسته، اړوندو مسؤلینو ته د قراردادونو د سرنوشت او حساب تصفې اړوند لازمې لارښوونې و کړې؛ له اړوند مسؤلینو یې و غوښتل څو د یادو قراردادونو د تصفیې برخه کې د په راتلونکې ناسته کې ټول هغه دخیل مسؤلین چې په دې ناسته کې یې شتون نه درلود، هم را و غوښتل شي او هوکړه پر دې شوه، چې راتلونکې اونۍ شنبه( د روژې پنځلسمه او د وري میاشتې ۲۷مه) نیټه دې بله تعقیبي ناسته جوړه شي.
