د ماشوم ساتنې کمیټې نوبتي ناسته ترسره شوه
د کار او ټولنیزو چارو وزارت اړوند؛ د ماشوم ساتنې ریاست له لوري د ماشوم ساتنې کمیټې، چې پکې د پوهنې، د عامې روغتیا، کورنیو چارو او اطلاعاتو کلتور وزارتونو، د سرې میاشتې او د زندانونو چارو د تنظیم ادارو، د WCC،SCI ،MCPA او IRW مؤسساتو د استازیو په ګډون نوبتي ناسته تر شره شوه.
په پیل کې د کار او ټولنیزو چارو وزارت؛ د ټولنیزو چارو معین الحاج مولوي عبیدالله امینزاده په خپلو خبرو کې راغلو میلمنو ته د ښه راغلاست ترڅنګ وویل: دا زمونږ دنده او مسؤلیت دی؛ ترڅو د اړمنو، شاقه کارو، ردمرزي، یتیمو او بېسرپرسته ماشومانو لاسنیوی وکړو او د ژوندانه سهلتونه ورته برابر کړو.
همداراز نوموړي په خپلو خبرو کې زیاته کړه، چې د اړمنو، شاقه کارو، ردمرزي، یتیمو او بېسرپرسته ماشومانو څخه ملاتړ، هغوی ته د ژوندانه د آسانتیاوو د برابرولو، ښوونې او روزنې، او روغتیايي خدمتونه او د اوسېدنې ځای ته یې پاملرنه د کار او ټولنیزو چارو وزارت له لومړيتوبونو څخه دي او په دې برخه کې دوامداره ملاتړ ترسره کیږي.
ورپسې د ماشوم ساتنې رئیس مولوي سعدالدین مطمئن هم په خپلو خبرو کې د اسلام مبارک دین له نظره د یتیمو او بېسرپرسته ماشومانو د حقوقو پر اهمیت خبرې وکړي.
همدارنګه نوموړي د خپلو خبرو په دوام له ملي او نړیوالو مؤسساتو څخه غوښتنه وکړه ترڅو د افغانستان اسلامي امارت د پالسیو او اصولو مطابق او د کار او ټولنیزو چارو وزارت سره په همغږۍ په دې برخه کې خپلو فعالیتونو ته پراختیا ورکړي.
په پای کې د یادو وزارتونو، اداراتو او مؤسساتو استازو د کار او ټولنیزو چارو وزارت سره په همغږۍ د خپلو فعالیتونو او لاستهراوړنو څخه یادونه وکړه او په دې برخه کې یې د زیاتو همکاریو ډاډ څرګند کړ.
