د کار او ټولنیزو چارو وزارت کې د انفرادي پوهاوي د پروګرامونو لړۍ روانه ده
د کار او ټولنیزو چارو وزارت د پلان او پالیسۍ ریاست له لوري د دې وزارت د کار چارو معینیت اړوند د بېلابېلو ریاستونو کارکوونکو ته د ظرفیتلوړونې په موخه، د کارکوونکو د انفرادي پلانجوړونې تر عنوان لاندې د انفرادي پوهاوي یو ورځینی روزنیز پروګرام جوړ شو.
د دې پروګرام په پیل کې، د کار چارو معین الحاج مولوي محمد زاهد احمدزي په خپلو خبرو کې په یوه ادارې یا سازمان کې د پلان پر تطبیق، ارزښت، په خپل وخت د چارو ترسره کولو، په ورځینو چارو کې د همکارۍ په اړه هر اړخیزه خبرې وکړي.
ورپسې د پلان او پالیسۍ رئیس مولوي محبالله حبیبي هم په خپله لنډه وینا کې د دې روزنیزې برنامې د ارزښت او ګټو سربېره، د دې برنامې له ټولو ګډونوالو وغوښتل، چې په دې پروګرام کې له ترلاسه شویو زدهکړو، مهارتونو او تجربو څخه په خپلو ورځنیو چارو او د انفرادي پلانونو په جوړولو کې په غوره توګه استفاده وکړي.
هېره دی نه وي؛چې له دې وړاندې یاده روزنیزه برنامه؛ د ټولنیزو چارو معینیت کارکوونکو ته هم ورکړل شوې وه.
