د کار او ټولنیزو چارو وزارت کې د انفرادي پوهاوي پروګرام جوړ شو
د کار او ټولنیزو چارو وزارت اړوند؛ د پلان او پالیسۍ ریاست له لوري د وزارت د بېلابېلو ریاستونو کارکوونکو ته د ظرفیتلوړونې په موخه د کارکوونکو د انفرادي پلان جوړونې ترعنوان لاندې د انفرادي پوهاوي یو ورځینی روزنیز پروګرام جوړ شو.
د پروګرام په پیل کې؛ د کار او ټولنیزو چارو وزارت د ټولنیزو چارو معین الحاج مولوي عبیدالله امینزاده په خپلو خبرو کې د پلان په ارزښت، د منابعو غوره مدیریت، د فعالیتونو همغږۍ، د لاستهراوړنو ارزونه او څارنه، شفافیت او حساب ورکونې، ستونزو او ننګونو پېژندنه او د حل لارو موندل، پر وخت سره د چارو ترسره کول، په چارو کې صداقت او یو له بل سره د همکاري په اړه په تفصیل سره خبرې وکړې.
ورپسې د پلان او پالیسۍ رئیس مولوي محبالله حبیبي هم د یاد ښونیز ورکشاپ پر شاملو موضوعاتو؛ پلان، د پلان جوړښت او اجزاوو، د پلان د جوړښت پر مراحلو او د پلان د ډولونو په اړه یې ګډونوالو ته معلومات ورکړل.
همداراز نوموړي په خپلو خبرو کې له ګډونوالو وغوښتل؛ چې په پروګرام کې له ترلاسه شویو زدهکړو، مهارتونو څخه په ورځینیو چارو او انفرادي پلان په جوړولو کې په غوره توګه استفاده وکړي.
