د کار او ټولنیزو چارو وزارت کې د پلانجوړونې روزنیز پروګرام جوړ شو
د کار او ټولنیزو چارو وزارت د پلان او پالیسۍ ریاست له لوري؛ دا ځل د مقام اړوند د بېلابېلو ریاستونو کارکوونکو ته د ظرفیتلوړونې په موخه، د کارکوونکو انفرادي کلنی پلانجوړونې ترعنوان لاندې یو ورځینی روزنیز پروګرام جوړشو.
د دې روزنیز پروګرام په پیل کې، د مقام د دفتر رئیس حافظ محمد حسنمنور په خپلو خبرو کې د پلان پر تطبیق، په یوه اداره کې د پلان په ارزښت، په فعالیتونو کې د همغږۍ، د لاستهراوړنو ارزونه او څارنه، په چارو کې شفافیت، ستونزو او ننګونو پېژندنه او د حل لارو موندل، پر وخت سره د چارو ترسره کولواو په ورځینو چارو کې د همکارۍ په اړه هر اړخیزه خبرې وکړي.
ورپسې د پالیسۍ او پلان رئیس مولوي محبالله حبیبي هم په خپله وینا کې د دې روزنیزې برنامې د ارزښت او ګټو د بیان سربېره، د دې برنامې له ټولو ګډونوالو وغوښتل، چې په دې پروګرام کې له ترلاسه شویو زدهکړو، مهارتونو او تجربو څخه په خپلو ورځنیو چارو کې په غوره توګه استفاده وکړي.
د یادونې وړده، چې د پلان د جوړښت، کلني پلان، د کلني پلان په ارزښت، څرنګوالي، د پلان په ډولونو، ځانګړڼو او اهمیت په اړه ګدونوالو ته هر اړخیز معلومات د یاد ریاست د پلان د طرح او تدوین آمر میرویس نیازي له لوري وړاندې شول.
