ولایتي کارکوونکو ته د روزنیزو پروګرامونو په لاره اچول
د کار او ټولنیزو چارو وزارت خپلو ولایتي کارکوونکو د وړتیاوو لوړولو په موخه، همدارنګه د کار او ټولنیزو چارو ولایتي ریاستونو کارکوونکو د پوهې کچې په لوړویدو او په اجراآتو او د چوپړتیاوو په وړاندې کولو کې د ښه والي او اغیزمنتیا په موخه؛ د لغمان او پکتیا په ولایتونو کې د ملکي خدمتونو کارکوونکو قوانییو او مقررو په ړنا کې د ۱۳۹۸ کال د عقرب له دویمې څخه تر قوس شپږوشتمې پورې لس روزنیز پروګرامونه په لاره واچوول.
د پکتیا په ولایت کې د پلان جوړولو، په ملکي کارکوونکو کې د انګیزو ایجاد، مالي مدیریت او اداري مراسلاتو کې د ښه والي په موخه روزنیز پروګرامونه د هغه ولایت په ولایتي ریاست کې په لاره واچول شو چې په کې ۲۰ تنو کارکوونکو ګډون درلود.
همدارنګه د لغمان په ولایت کې د مالي مدیریت روزنې، د ذاتي مقررې روزنې، د پلان جوړولو روزنه، اداري مراسلاتو لارښود او او کارکوونکو کې د انګیزې ایجاد تر سرلیک لاندې؛ رونیز پروګرامونه په لاره اچول شوي وو چې لسګونو کارکوونکو په کې ګډون درلود او له یادو پروګرامونو څخه برخمن شول.
ویلو وړ ده چې د دا ډول روزینزو پروګرامونو په لاره اچول؛ د کارکوونکو د پوهې کچې په لوړولو، د اجراآتو په بهترۍ او انګیزې په رامنځته کولو کې اغیزمن او ګټور رول لوبوي
