په معادنو کې د بوختو کاریګرو ژوند او د دوی حقوقو ته به پام وشي؛

سمنګانو ولایت ته د کار او ټولنیزو چارو وزارت استول شوي پلاوي د دې ولایت په معادنو کې د بوختو کاریګرو د ژوندانه، حقوقو او ورته د سهولتونو برابرېدو په موخه له مسؤلینو سره کتلي او هم یې دره صوف ولسوالۍ ته په خپل سفر کې د یادو کاریګرو ځینې ستونزې یې له نږدې وکتلي.
د یاد پلاوي د رئیس مولوي عبدالمتین مولوي‌زاده په وینا، لومړۍ یې په دې اړه د سمنګانو له والي داملا محمد شعیب رسالت سره د همغږۍ په ناسته کې د نوموړي د همکارۍ او پاملرنې غوښتنه کړي، چې د سمنګانو والي له لوري ډاډ ورکړل شوی دی.
د کار او ټولنیزو چارو وزارت استول شوي پلاوي،  په همدې ترتیب د سمنګانو ولایت د معادنو او پترولیم له رئیس سره په کتنه کې ټینګار کړی، چې هڅه دې وشي، ترڅو په معادنو کې بوختو کاریګرو ته د ایمیني تخنیک د برابرېدو، د دوی حفظ‌الصحې، د حقوقو د ورکړې او له ټولو مهمه د دوی روغتیا او په ټوله کې ژوندانه ته لازمه پاملرنه وشي، چې د نوموړي له لوري په دې رابطه د ځینو پرمختګونو څخه په یادونې سره؛ یادو ستونزو ته د رسېدو په برخه کې د همکارۍ ډاډ ورکړل شوی دی.
ورپسې پلاوي دره صوف ولسوالۍ ته د خپل سفر په ترڅ کې د ډبرو سکرو له معادنو څخه له نږدې کتلي او هلته د په کار بوختو  کاریګرو د احوال اخیستو سربېره یې، له هغوی سره ځینې لازمې او اړینې سپارښتنې هم شریکې کړي دي، ترڅو ورته پاملرنه وکړي او په دې سره راتلونکي کې د ناوړه پېښو مخنیوی شوی وي