په ننګرهار کې ۲۵۶ تنه ځوانانو ته د فني او حرفوي زدهکړو زمینه برابره شوه
د ننګرهار ولایت د کار او ټولنیزو چارو ریاست په هڅو؛ د یاد ولایت له مختلفو ولسوالیو څخه ۲۵۶ تنه ځوانانو ته په مختلفو (خیاطۍ، موبایل ترمیم، واسکټ ګنډلو، سولر او مولد ترمیم، بوټ ګنډلو او بیک کنډلو) حرفو کې د فني او حرفوي زدهکړو زمینه برابره شوه.
په همدې مناسبت جوړه شوې غونډې ته د ننګرهار ولایت د کار او ټولنیزو چارو ریاست استازي په خپلو خبرو کې وویل: د افغانستان اسلامي امارت په ځانګړي ډول دکار او ټولنیزو چارو وزارت هڅه داده، چې په ټولنه کې د بېکارۍ کچه راټیټه کړي او ځوانانو ته کاري فرصتونه برابر کړي؛ په فني او حرفوي زدهکړو د ځوانانو سمبالول؛ په کارموندنه او بېکارۍ کچې کمښت کې مهم رول لري.
په ورته وخت کې استازی؛ له زدهکوونکو څخه غوښتنه وکړه، چې له یادو فرصتونو او وخت څخه په ښه شکل استفاده وکړي ترڅو وکولی شي، د شپږ میاشتنیو نظري او عملي زدهکړو تر پای ته رسولو وروسته د ماهرو کارګرو په توګه د کار بازار ته وړاندې شي او خپلو کورنیو ته حلاله نفقه پیداکړي.
