د ماشومانو حقونو څخه د ملاتړ تخنيکي کمېټې ناسته کې د ماشومانو هوساينې صندوق پر طرزالعمل خبرې و شوې.
د ماشومانو حقونو څخه د ملاتړ تخنيکي کمېټې ناسته کې د ماشومانو د هوساينې صندوق طرزالعمل سربيره؛ د يادې کمېټې د تيرو فيصلو پر تعقيب، ولايتونو کې د دولس اړخيزه هوکړه ليک پلي کولو او ملاتړيزه مرکزونو رامنځ ته کولو، د ماشومانو ساتنې ملي پروګرام، ذهني تاخر لرونکو ماشومانو لپاره د ملاتړيزه مرکزونو رامنځ ته کولو اړوند د جمهوري رياست عالي مقام د لارښوونو تعقيب، حجز بديل او امنيتي حوزو کې د ټولنيزو کارکوونکو پر ستونزو هر اړخيزې خبرې و شوې.
ناسته کې د کمېټې غړو د يادو موضوعاتو اړوند خپل نظرونه، ستونزې او وړانديزونه د کمېټۍ رهبرۍ سره شريکې او د خپلو ادارو په استازيتوب يې د همکارۍ ژمنه وکړه.
د ماشومانو حقونو څخه د ملاتړ تخنيکي کمېټې ناسته کې د کار او ټولنيزو چارو وزارت مالي او اداري مرستيال مسعودالله اورياخيل د يادې کمېټې له کړنو څخه د خوښي په څرګندولو سره له هغوی مننه وکړه؛ د همکارو او مرسته کوونکو ادارو پر لا زياتې همکارۍ او همغږۍ يې ټينګار و کړ.
د ويلو دی، چې ياده کمېټه کې د مرسته کوونکو ادارو په شمول د ۲۳ وزارتونو او ادارو مرستيالان او استازي غړيتوب لري، چې هره مياشت د کار او ټولنيزو چارو وزير په مشرۍ د ماشومانو د حقونو ملاتړ اړوند موضوعاتو ناستې او کار کوي او خپل راپورونه د ماشومانو ملاتړ عالي کميسيون رهبرۍ ته چې مشري يې د جمهوري رياست عالي مقام دويم مرستيال په غاړه دی، وړاندې کوي.
