هېواد کې د فنې او حرفوي زدهکړو د ودې او روزنتونونو کې د غوره ښوونیزو خدمتونو د وړاندې کولو په موخه د کار او ټولنیزو چارو وزارت هڅې دوام لري
د کار او ټولنیزو چاور سرپرست وزیر الحاج ملا عبدالمنان عمري له لوري د مؤطفې کميټې غړو،کندهار ولایت ته په خپل سفر کې د ارزګان، زابل او هلمند ولایتونو د کار او ټولنیزو چارو ریاستونو اړوند د فني او حرفوي زدهکړو مراکزو او روزنتونونو د تشو بستونو لپاره د مسلکي استادانو د جذب په موخه آزموینه واخیسته.
د یادو ولایتونو د فني او حرفوي زدهکړو مراکزو او روزنتونونو د ۳۰ تشو بستونو لپاره چې ۱۳۳تنه شارت لیست شوي وو، د هغوی آزموینه ترسره شوه چې په هغې کې به د کار او ټولنیزو چارو وزات د مؤظفې کمیټې او هم د اړونده ریاستونو د مسؤلینو له لوري په شرایطو برابر اشخاص تر بریا وروسته په ګوته او د هغوی د استخدام وړاندیزونه به د منظورۍ په موخه د کار او ټولنیزو چارو وزارت له مقام سره شریک او تر هغې وروسته به خپلو دندو ته وپېژندل شي.
د کار او ټولنیزو چارو وزارت له لورې په ټول هېواد کې د دې پروسې د تطبیق موخه د مسلکي استادانو استخدام، فني او حرفوي زدهکړو ته د ځوانانو لاسرسی او په روزنتونونو کې د شاملو ماشومانو لپاره د ښو او غوره ښوونیزو خدمتونونو وړاندې کول دي . چې دې سره به ځوانان وتوانیږي چې د ماهرو کارګرو په صفت د کار بازار کې شامل شي او له دې لارې له خپلو کورنیو ته د حلالې نفقې زمینه برابره کړي او هم به د اقتصاد په برخه کې اغیزمن واقع شي، ترڅنګ به یې په روزنتونونو کې ماشومان په اسلامي روحیه سمبال او د یوسالم انسان په توګه به ټولنې ته تقدیم شي.
