پکتیا کې ۱۸۰ تنه له اعتیاد څخه رغېدلي اشخاص له فني او حرفوي زده‌کړو فارغ شول؛

naweed_admin
چهارشنبه ۱۴۰۳/۴/۱۳ - ۱۳:۴۸
W


د کار او ټولنیزو چارو وزات د کار چارو معین مولوي محمد زاهد احمدزي پکتیا ولایت ته د خپل سفر په ترڅ کې، د فني او حرفوي زده‌کړو څخه د ۱۸۰ تنو رغېدلو اشخاصو فراغت غونډه کې ګډون او وینا وکړه.
دې مراسمو کې چې د ولایتي ادارې مختلفو مسؤلینو او د فارغو شویو اشخاصو د کورنیو غړو ګډون درلود؛ د کار چارو معین خپله وینا کې وویل: ۱۸۰ تنه هغه اشخاص او ځوانان چې په نشه‌يي توکو روږدي او له خپلو کورنیو او ټولنې منزوي شوي وو، تر درملنې وروسته د کار او ټولنیزو چارو وزارت له لوري ورته د فني او حرفوي زده‌کړو زمینه برابره شوه چې نن یې د فراغت شاهدان یو او له نیکمرغه د سالمو انسانانو په څېر بیا ځلې خپلو کورنیو سره یوځای او هم د کار او کسب خاوندان شول.
مولوي محمد زاهد احمدزي زیاته کړه: اوسمهال په کابل، پکتیا، ننګرهار، کندهار، بلخ او هرات ولایتونو کې له اعتیاد څخه رغېدلو هېوادوالو ته د فني او حرفوي زده‌کړو پروګرامونه روان دي او مختلفو رشتو کې زده‌کړې ترلاسه کوي او په پام کې ده چې دا لړۍ مختلفو ولایتونو ته وغځیږي.
ورپسې د پکتیا ولایت د کار او ټولنیزو چارو رئیس قاري محمد رحیم نصرت مېلمنو ته د ښه راغلاست سربېره؛ وویل: یاد ۱۸۰ تنه له شپږو میاشتنیو زده‌کړو وروسته د برق، نجارۍ، خیاطۍ او نلدوانۍ له حرفو فارغ شول، چې نن ورته د فراغت سندونه او هم د کندهار مهاجرینو مؤسسې په همکارۍ کاري وسایل او ۶۷۰۰ افغانۍ په نقدي توګه ووېشل شوې.
په پای کې د کندهار مهاجرینو مؤسسې استازي سید عبدالواجد سادات هم خپلو لنډو خبرو کې د دوې د مؤسسې د فعالیتونو او ورته برنامو د پراخوالي څخه په یادونې سره ژمنه وکړه، چې خپلې چارې به د کار او ټولنیزو چارو وزارت په همغږۍ سره تنظیم کوي.
په همدې ترتیب د کار چارو معین او ورسره مل پلاوي د پکتیا ولایت د کار او ټولنیزو چارو ریاست د فني او حرفوي زده‌کړو له مرکزڅخه لیدنه وکړه، چې دمګړۍ په کې ۱۲۸ تنه ځوانان د برق او خیاطۍ د حرفو په زده‌کړو بوخت دي، لیدنه وکړه او له هغوی یې و غوښتل، چې له وخت څخه په ښې استفادې سره دې خپلو زده‌کړو ته لازمه پاملرنه وکړي.

آخرین اطلاعیه هاآخرین اطلاعیه ها

شنبه ۱۴۰۴/۵/۲۵ - ۱۵:۴۲
Background image

د کار او ټولنیزو چارو وزارت خبرتیا!

د کار او ټولنیزو چارو وزارت دا ځل په پام کې لري، چې د تېر اعلان په تعقیب سره په ۲۳ نویو حرفو کې د هېواد په ټولو ولایتونو کې د ماهرو او مسلکي کارګرانو او په تېر یوه کال کې بېکاره . . .

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

تازه خبرونه

شنبه ۱۴۰۵/۸/۱۶ - ۱۵:۲۶
Background image

غزني کی ۱۷۵ تنه ځوانان له فني او حرفوي زده‌کړو فارغ شول

د غزني ولایت د کار او ټولنیزو چارو ریاست په هڅو او همغږۍ؛ د مرکز په شمول د څلورو ولسوالیو د فني او حرفوي زده‌کړو له مرکزونو څخه ۱۷۵ تنه ځوانان؛ د خیاطۍ، موبایل‌ترمیم، کلچه‌پزۍ،. . .

دوشنبه ۱۴۰۵/۸/۴ - ۱۰:۴۵
Background image

د کار عالي شورا نوبتي ناسته وکړه


د کار او ټولنیزو چارو وزیر الحاج ملا عبد المنان عمري په مشرۍ؛ د کارګرو اتحادیو او د افغانستان د اتاقونو د استازو په ګډون د د ترسره شویو پرېکړو د تطبیق په موخه د کار عالي شورا اتمه. . .

پنجشنبه ۱۴۰۵/۷/۳۰ - ۱۰:۶
Background image

کابل کې له فني او حرفوي زده‌کړو څخه ۱۲۶ تنه ځوانان فارغ شول


د کار او ټولنیزو چارو وزارت د مهارتونو د پراختیا لوی ریاست په هڅو او همغږۍ؛ د کابل ښار د فني او حرفوي زده‌کړو له مرکز څخه ۱۲۶ تنه ځوانان په ودانیزو برېښنا، نلدوانۍ، فلزکارۍ او خیاطۍ. . .

بیرته خبرونو ته