د ټولنیز خوندیتوب سکتور درېیمه ناسته ترسره شوه؛

naweed_admin
شنبه ۱۴۰۳/۶/۱۰ - ۹:۵۲
E

د کار او ټولنیزو چارو وزارت د سرپرست الحاج ملا عبدالمنان عمري په مشرۍ او د اوولسو امارتي او غیر امارتي ادارو د استازو په حضور؛ د ټولنیز خوندیتوب سکتور په درېیمه ناسته کې د دې سکتور د فعالیت په لارښود او ځینو اړوندو چارو بحثونه وشول.
د کار او ټولنیزو چارو وزارت سرپرست، مېلمنو ته د ښه راغلاست ترڅنګ؛ د ټولنیز خوندیتوب سکتور د لارښود د نهايي کېدو، د دې سکتور د جوړېدو پر اهمیت او له لارې یې د اړمنو هېوادوالو د لاسنیوي په اړه بحث او خبرې وکړې. همداراز یې څرګنده کړه: د دې سکتور د فعالیت پیل او د غړو ادارو ترمنځ نږدې هم‌کاري او ګډې هڅې به وکولای شي چې  تر ډېره حده د زیانمنو هېوادوالو ستونزو ته رسېدنه وکړي او د فقر د کموالي سبب به وګرځي.
ورپسې  د وزارت د ټولنیزو چارو معین الحاج شیخ عبدالبر هم خپله لنډه وینا کې په ډاګه کړه، چې هېواد کې شته ستونزو ته د حل لارو موندلو په موخه اړینه ده چې مسؤلیتونه او مکلفیتونه په ښه توګه درک او هره اداره پخپلو چارو کې روانې هڅې او فعالیتونه ګړندي کړي، تر څو له یوې خوا د فقر او د بیکارۍ کچو د ټيټېدو سبب شي او له بلې خوا د یوه بډایه او پرمختللي افغانستان په لور ګامونه واخیستل شي.
په همدې ترتیب د ټولنیزو تأمیناتو د تنظیم د رئیس له لوري د تېرو دوو ناستو په اړه راپور، د معلوماتي ټکنالوجۍ رئیس له لوري د ټولنیزخوندیتوب سکتور لپاره د الکترونیکي سیستم د طرحې او د پالیسۍ او پلان ریاست لوري د ټولنیز خوندیتوب د ملي پالیسۍ په طرحې د کار په اړه معلومات د غونډې له ګډونوالو سره شریک شول. 
د ناستې ګډونوالو د یادو مواردو په اړه خپل وړاندیزونه، غوښتنې او نظریات شریک کړل او هم پرېکړه وشوه، چې په راتلونکې ناسته کې دې د ټولنیز خوندیتوب سکتور لارښود د نهايي کېدو په منظور وړاندې شي او هم دې د کاري کمېټو غړې ادارې او د دوی مسؤلیتونه په ګوته شي.
د ویلو ده چې ناسته کې د عدلیې، پوهنې، لوړو زده‌کړو، عامې روغتیا، اقتصاد، ټولګتو، د شهیدانو او معلولینو چارو، د کلیو د پراختیا او بیا رغاونې، د مهاجرینو او بېرته راستنېدونکو چارو، اطلاعاتو او کلتور، کرنې، اوبولګولو او مالدارۍ، د ارشادو، حج او اوقافو او د سرحدونو، قومونو او قبایلو چارو وزارتونو او طبیعي پېښو ته د رسېدو ادارې، د افغاني سرې میاشتې ټولنې، کابل ښاروالۍ او چاپېریال ساتنې ملي ادارې استازو، چې د ټولنیز خوندیتوب سکتور غړې ادارې دي، ګډون درلود.

آخرین اطلاعیه هاآخرین اطلاعیه ها

شنبه ۱۴۰۴/۵/۲۵ - ۱۵:۴۲
Background image

د کار او ټولنیزو چارو وزارت خبرتیا!

د کار او ټولنیزو چارو وزارت دا ځل په پام کې لري، چې د تېر اعلان په تعقیب سره په ۲۳ نویو حرفو کې د هېواد په ټولو ولایتونو کې د ماهرو او مسلکي کارګرانو او په تېر یوه کال کې بېکاره . . .

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

تازه خبرونه

شنبه ۱۴۰۵/۸/۱۶ - ۱۵:۲۶
Background image

غزني کی ۱۷۵ تنه ځوانان له فني او حرفوي زده‌کړو فارغ شول

د غزني ولایت د کار او ټولنیزو چارو ریاست په هڅو او همغږۍ؛ د مرکز په شمول د څلورو ولسوالیو د فني او حرفوي زده‌کړو له مرکزونو څخه ۱۷۵ تنه ځوانان؛ د خیاطۍ، موبایل‌ترمیم، کلچه‌پزۍ،. . .

دوشنبه ۱۴۰۵/۸/۴ - ۱۰:۴۵
Background image

د کار عالي شورا نوبتي ناسته وکړه


د کار او ټولنیزو چارو وزیر الحاج ملا عبد المنان عمري په مشرۍ؛ د کارګرو اتحادیو او د افغانستان د اتاقونو د استازو په ګډون د د ترسره شویو پرېکړو د تطبیق په موخه د کار عالي شورا اتمه. . .

پنجشنبه ۱۴۰۵/۷/۳۰ - ۱۰:۶
Background image

کابل کې له فني او حرفوي زده‌کړو څخه ۱۲۶ تنه ځوانان فارغ شول


د کار او ټولنیزو چارو وزارت د مهارتونو د پراختیا لوی ریاست په هڅو او همغږۍ؛ د کابل ښار د فني او حرفوي زده‌کړو له مرکز څخه ۱۲۶ تنه ځوانان په ودانیزو برېښنا، نلدوانۍ، فلزکارۍ او خیاطۍ. . .

بیرته خبرونو ته