د لوګر ولایت په یوه ستره ولسي غونډه کې د کار چارو د معین ګډون؛

naweed_admin
چهارشنبه ۱۴۰۳/۸/۳۰ - ۱۵:۱۵
E


د کار او ټولنیزو چارو وزارت د کار چارو معین الحاج مولوي محمد زاهد احمدزي لوګر ولایت ته په خپل سفر کې په یوه ستره ولسي غونډه کې ګډون او وینا وکړه.
دې غونده کې چې ګڼ شمېر مسؤلینو، علمای کرامو، قومي مشرانو او ځوانانو ګډون درلود؛ په پیل کې د لوګر والي شیخ ضیاءالرحمن مدني مېلمنو ته ښه راغلاست ووایه او له محلي ادارې سره د لوګر مېشتو ولسونو له نږدې همکارۍ یې په نیکۍ د یادونې ترڅنګ؛ د لوګر ولایت په خروار، نرخ او ازرې ولسوالیو کې د یو شمېر پروژو د تطبیق او بشپړېدو څخه یادونه وکړه او هم یې د خروار او سرخاب د اوبو بندونو د عملي کار کې د پرمختګونو په اړه معلومات شریک کړل، چې د هغه په وینا په بشپړېدو سره به یې د ولسي خلکو ډیری ستونزې حل شي. په همدې توګه یې د لوګر ولایت ځوانانو ته د مس عینک پروژه کې د کار زمینې برابرولو په موخه د مسؤلینو د پاملرنې غوښتنه درلوده.
ناسته کې ځینو نورو مسؤلینو او قومي مشرانو هم ویناوې درلودې او د افغانستان اسلامي امارت له لوري د مختلفو برنامو د حمایت او قدر دانۍ سربېره یې؛ په ملي سوداګرو غږ وکر، چې په دې ولایت کې د فابریکو د جوړولو په موخه دې پانګه‌اچونه وکړي، ترڅو د ولسونو د بیکارۍ ستونزه تر یو حده حل او د کورنیو تولیداتو په برخه کې هم ځان بسیاینې ته نږدې شوو.
ورپسې د کار چارو معین الحاج مولوي محمد زاهد احمدزي خپلو خبرو کې لوګر ولایت ته د خپل رسمي سفر او دلته د ترسره شویو پرمختګونو څخه خوښي وښوده، همداراز ژمنه یې درلوده، چې ناسته کې مطرح شوي وړاندیزونه به له مسؤلو چارواکو سره شریکوي. مولوي احمدزي د خپلو خبرو په دوام زیاته کړه: په هېواد کې د بیکارۍ له ستونزې څخه انکار نه‌شي کیدای، خو په وړاندې یې د مبارزې په اړه د افغانستان اسلامي امارت په ځانګړې توګه د کار او ټولنیزو چارو وزارت متعهد دی او د مختلفو برنامو د تطبیق له لارې غواړي ورته معقوله او مناسبه رسېدنه وکړي.
په پای کې یې څرګنده کړه، چې نظام او هېواد مو مشترک دی او باید په ګډه توګه یې د بریا او پرمختګ لپاره کار وکړو او هر یو په خپله برخه کې د خلکو د هوساینې په موخه عملي اقدامات ترسره کړو.

آخرین اطلاعیه هاآخرین اطلاعیه ها

شنبه ۱۴۰۴/۵/۲۵ - ۱۵:۴۲
Background image

د کار او ټولنیزو چارو وزارت خبرتیا!

د کار او ټولنیزو چارو وزارت دا ځل په پام کې لري، چې د تېر اعلان په تعقیب سره په ۲۳ نویو حرفو کې د هېواد په ټولو ولایتونو کې د ماهرو او مسلکي کارګرانو او په تېر یوه کال کې بېکاره . . .

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

تازه خبرونه

شنبه ۱۴۰۵/۸/۱۶ - ۱۵:۲۶
Background image

غزني کی ۱۷۵ تنه ځوانان له فني او حرفوي زده‌کړو فارغ شول

د غزني ولایت د کار او ټولنیزو چارو ریاست په هڅو او همغږۍ؛ د مرکز په شمول د څلورو ولسوالیو د فني او حرفوي زده‌کړو له مرکزونو څخه ۱۷۵ تنه ځوانان؛ د خیاطۍ، موبایل‌ترمیم، کلچه‌پزۍ،. . .

دوشنبه ۱۴۰۵/۸/۴ - ۱۰:۴۵
Background image

د کار عالي شورا نوبتي ناسته وکړه


د کار او ټولنیزو چارو وزیر الحاج ملا عبد المنان عمري په مشرۍ؛ د کارګرو اتحادیو او د افغانستان د اتاقونو د استازو په ګډون د د ترسره شویو پرېکړو د تطبیق په موخه د کار عالي شورا اتمه. . .

پنجشنبه ۱۴۰۵/۷/۳۰ - ۱۰:۶
Background image

کابل کې له فني او حرفوي زده‌کړو څخه ۱۲۶ تنه ځوانان فارغ شول


د کار او ټولنیزو چارو وزارت د مهارتونو د پراختیا لوی ریاست په هڅو او همغږۍ؛ د کابل ښار د فني او حرفوي زده‌کړو له مرکز څخه ۱۲۶ تنه ځوانان په ودانیزو برېښنا، نلدوانۍ، فلزکارۍ او خیاطۍ. . .

بیرته خبرونو ته