د کار انسټیټیوټ کې د امارتي ادارو د ظرفیت لوړونې د برنامو لړۍ روانه ده

naweed_admin
شنبه ۱۴۰۳/۴/۱۶ - ۱۵:۲۶
E


د کار او ټولنیزو چارو وزارت انسټيټوټ کې د ۲۰ وزارتونو د ظرفیت لوړونې د مسؤلینو لپاره د مدیریت او رهبرۍ د مهارتونو د پراختیا تر نامه لاندې لس ورځینی سیمینار جوړ شو. 
د یادې برنامې په پرانېست غونډه کې د کار او ټولنیزو چارو وزارت د کار چارو معین مولوي محمد زاهد احمدزي وویل: دې وزارت د نورو مسؤلیتونو د ترسره کولو سربېره هڅه کړې، چې خپل اړوند انسټیټوټ کې د وخت اړتیاوو سره سم امارتي او غیر امارتي کارکوونکو ته په مختلفو برخو کې د ظرفیت لوړونې برنامې په لار اچولې دي، چې ښه پایله یې لرلې او ګڼ شمېر ګډونوال ورڅخه مستفید شوي. مولوي احمدزي خپلو خبرو کې ټینګار درلود، چې د انسټیټوټ مسؤلین دې روانې هڅې پراخې او کوښښ دې وکړي، چې د برنامو لړۍ ولایتونو ته هم وغځوي. همداراز یې له ګډونوالو غوښتنه وکړه. چې له وخت سره په ښې استفادې دې خپلو زده‌کړو ته پام او هم دې د خپلو ادارو په ورځنیو چارو کې له دې زده‌کړو په کار اخیستو هېوادوالو ته غوره خدمات وړاندې کړي. 
ورپسې د وزارت د مقام سلاکار مولوي رحیم الله صراح هم په خپله لنډه وینا کې په اداره کې د مدیریت او رهبرۍ د رغنده او بنسټیز رول څخه په یادونې سره؛ هیله وښوده چې د زده‌کړو څخه  ترلاسه شوي مهارتونه او تجربې به په ورځنیو چارو کې د بهبود سبب وګرځي.  
په پای کې د انسټیټوټ رئيس شریف الله شرافت د ترسره شویو فعالیتونو او هم په راتلونکي کې د مختلفو برنامو په اړه د معلوماتو شریکولو ترڅنګ؛ ژمنه وکړه چې په‌دې برخه کې به خپل مسؤلیتونه په ښه ډول ترسره کوي.

تازه خبرونه

یکشنبه ۱۴۰۳/۴/۳۱ - ۲۱:۴۲
Background image

د ټولنیزو چارو معین د یونیسف دفتر له مرستیالې سره وکتل


د کار او ټولنیزو چارو وزارت د ټولنیزو چارو معین شیخ عبدالبر د خپل کار په دفتر کې د افغانستان لپاره د یونیسف دفتر له مرستیالې مېرمن روشن مرتضی او مل پلاوي سره په کتنه کې د ځینو اړینو. . .

یکشنبه ۱۴۰۳/۴/۲۴ - ۹:۵۰
Background image

د کار او ټولنیزو چارو وزارت په تېرو درېیو میاشتو کې تر ۲۲۰۰۰ زیات د کار جوازونه وېشلي دي


د ۱۴۰۳ هجري شمسي کال په لومړۍ ربع کې د کار او ټولنیزو چارو وزارت توانیدلی، چې هېوادوالو ته د ۲۲۴۲۷ قطعې د کار جوازونه ووېشي او له دې لارې عواید راټول کړي.
دا ارقام ښيي؛ چې په دې ۱۴۵۷۰. . .

سه‌شنبه ۱۴۰۳/۴/۱۹ - ۱۰:۵۶
Background image

د ننګرهار ولایت په ولسوالیو کې ۲۱۰ تنو ته د فني او حرفوي زده‌کړو زمینه برابره شوه


د ننګرهار ولایت؛ په کوټ، بټي‌کوټ، اچین او نازیانو ولسوالیو کې؛ ۲۱۰ تنو ځوانانو ته د فني او حرفوي زده‌کړو جلا جلا مرکزونه پرانېستل شول.
په همدې مناسبت جوړه شوې غونډه کې چې د ولایتي. . .

بیرته خبرونو ته