د تشکيل او بودجې اړوند ناسته و شوه
د تشکيل او بودجې د بيا کتنې اړوند د کار او ټولنيزو چارو وزارت رهبري پلاوي ناسته و شوه.
پيل کې د کار او ټولنيزو چارو وزير ملا عبدالولي څارنوال( حاجي وارث) خبرې وکړې او د اوسني تشکيل په پاتې کېدو او کارکوونکو د نه تنقيص کيدو باندې يې ټينګار وکړ، زياته يې کړه: اوسني ټول بستونه د وزارت رهبرۍ له لوري څيړل شوي چې هر بست په خپل ځای خاص ارزښت لري چې د کارونو د لا ښه والي په موخه نه تنها دا چې اوسني بستونه او کارکوونکي بايد و ساتل شي بلکې لا زيات شي.
وروسته د مالي او اداري چارو مرستيال مولوي دين محمد حقبين خبرې وکړې و يې ويل، چې د وزارت اړوند د ټولو مرکزي او ولايتي ادارو ستونزو ته بايد پاملرنه و شي او ټول هغه کادرونه چې په دې وزارت کې کار کوي، د دې وزارت پانګه دی او بايد و ساتل شي.
د کار چارو مرستيال مخدوم عبدالسلام سعادت د خپلو خبرو په ترڅ کې دا وزارت يو مهم او سکتوري وزارت ياد کړ و يې ويل: د کار او ټولنيزو چارو وزارت د اسلامي امارت د ادارو ترمنځ د ستون فقرات حيثيت لري او نه بايد لکه د نورو ادارو په څير له دې وزارت سره د تشکيل او بودجې برخه کې برخورد و شي ځکه دا وزارت د انسان له وړکتوب بيا تر سپينږيتوبه د هيواد خلکو ته خدمتونه وړاندې کوي؛ نو ځکه که له دې زيات د دې وزارت تشکيل متضرر شي بيا به په هغسې توګه چې لازم دی خدمتونه وړاندې نشي کړای او خدمتونو کې به سکتګي را منځ ته شي، چې د تشکيل د لا ريات متضرر کيدو په صورت کې به زيات متخصص او مسلکي کارکوونکي هم له لاسه ورکړو؛ نوموړي زياته کړه چې زموږ ژمنه ده چې مسلکي کسان به دې وزارت کې ساتو.
د غونډې پای کې يوې کميټې ته دنده ورکړل شوه څو د وزارت د تشکيل او بودجې برخه کې د رياست الوزرا د اداري معاونيت مقام سره ناسته وکړي او د کار او ټولنيزو چارو وزارت د تشکيل پر ځای پاتې کيدو او بودجې برخه کې ورسره په منطقي دلايلو بحث او دفاع وکړي.
