د عوت او ارشاد ریاست د استازو له لوري د امر باالمعروف او نهېعنالمنکر قانون د غوره تطبیق په موخه ناسته ترسره شوه
د کار او ټولنیزو چارو په وزارت کې د امر باالمعروف او نهېعنالمنکر قانون د غوره او بهتره تطبیق په موخه د یاد وزارت کارکوونکو ته د یاد قانون مزیدې تشریح لپاره د دعوت او ارشاد ریاست له لوري ناسته تر سره شوه.
ناستې ته د دعوت او ارشاد رئیس مولوي عبدالولي حماد په ټولنه کې د امر باالمعروف او نهې عنالمنکر د اصولو د ترویج، په محمدي شریعت د سیرت او صورت برابرول، د شریعت او اخلاقو مطابق چلند او په ټولنه کې د فاسدو رواجونو او بدعتونو خلاف غږ پورته کولو په اړه په تفصیل سره خبرې وکړې او له ټولو کار کوونکو څخه یې غوښتنه وکړه، چې د امر باالمعروف او نهېعنالمنکر قانون په خپل کاري چاپیریال، کورنۍ او ټولنه کې په کُلي شکل عملي کړي او په دې برخه کې لا زیاتې هلې ځلې وکړي.
همداراز نوموړي زیاته کړه، چې د ا.ا.ا دنده ده؛ چې نه یوازې د قرآنکریم او نبوي سنتو احکام په ټولنه کې په بشپړ ډول عملي کړي، بلکه د هغوی له غوره تطبیق څخه څارنه هم وکړي.
ورپسې د مهارتونو د پرختیا لوي رئیس مولوي رحیمالله صراح په خبرو کې وویل: دا سپیڅلې دنده یواځې د امر باالمعروف او نهې عنالمنکر وزارت پورې اړوند نه ده؛ بلکې د ټولو مسلمانانو دنده او مسؤلیت ده، چې په نیکۍ امر وکړي او له بدو څخه خلک منع کړي ترڅو اسلامي ټولنه د اصلاح په لور روانه شي، له هر ډول فساد څخه مخنیوی او ډډه وشي او همداراز عدالت تأمین او خلکو حقوق محفوظ پاتې شي.
په پای کې د ټولنیز مصئونیت آمر مفتي محمد ولي عارفي هم په خپلو خبرو کې د امرباالمعروف اونهیعنالمنکر قانون د اهمیت او په ټولنه کې د هغه د ارزښت په باره کې د خبرو ترڅنګ زیاته یې کړه، چې موږ د امر باالمعروف او نهې عنالمنکر قانون هر اړخیز تطبیق ته ژمن یو.
