د کار او ټولنیزو چارو سرپرست وزیر د افغانستان لپاره د یونسیف ادارې له مرستیالې سره ولیدل

molsaadmin
پنجشنبه ۱۴۰۰/۱۱/۲۸ - ۲۲:۶
کابل: ۱۴۰۰/۱۱/۲۸ په هیواد کې د ټولنیز خوندیتوب، ماشوم پالنې او ساتنې او همداراز د پالنځیو ستونزو ته د غوره رسیدنې په موخه او په ټوله کې د یادو ستونزو د حل لپاره د نوی مشرتابه لرلید او لمړیتوبونو پیژندلو لپاره نن د کار او ټولنیزو چارو مالي او اداري مرستیال او د یاد وزارت سرپرست څارنوال عبدالولي مجاهد په خپل کاري دفتر کې د یونسیف سازمان له مرستیالې آغلې الیس الونګار سره ولیدل. په دې کتنه کې ښاغلي مجاهد وویل: هیواد اوس له جګړې راوتلی او په لویه کې له لوی بشري ناورین سره مخ دي چې په یاد ناورین کې ماشومان تر ټولو ډیر زیانمن قشر دی چې جدي پاملرنې ته اړتیا لري. هغه زیاته کړه: تیره تحمیل شوې جګړه او شل کلن اشغال د یاد ناورین اصلي لامل دی چې د هیواد کرهڼې، صنعت او سوداګرۍ ته او په ټوله کې د هیواد بیخ بنا وو یې سختې زیانمنې کړي چې په پایله کې یې زیاتو افغان کورنیو خپل سرپرست او نفقې مکفلین له لاسه ورکړل او یادې کورنۍ یې اړ ایستې ترڅو خپل ماشومان شاقه کارونو، ګدایی او مهاجرتونو ته اړباسي. ښاغلي مجاهد زیاته کړه: اوس مهال زموږ په هیواد کې ماشومان له روغتیایي، ښوونې او روزنې، سرپناه او پاکو اوبو ته د نه لاسرسي له ستونزو سره لاس او ګریوان دي، او د دې بشري ناورین د مدیریت او هغه ته د پای ټکي کیښودلو لپاره د همکارو مؤسسو په ځانګړې ډول د یونسیف مرستو ته اړتیا لرو. د کار او ټولنیزو چارو سرپرست وزیر د یونسیف مشرتابه ته ډاډ ورکړ چې د یاد وزارت د د یونسیف سازمان له ټولو فعالیتونو ملاتړ کوي او تیار دی چې د هیواد په هر ګوټ کې د یاد سازمان د فعالیت پر وړاندې د هر ډول ستونزې په حل کې ورسره مرسته وکړي. ښاغلي مجاهد د یونسیف له سازمان څخه غوښتنه وکړه ترڅو په پالنځیو کې حاکم اضطراري حالت د مدیریت لپاره له کار او ټولنیزو چارو وزارت سره هر اړخیزه مرسته وکړي. د یونسیف سازمان مرستیالې آغلې الیس الونګار چې د ټولنیز خوندیتوب او ماشوم ساتنې دوو ټیمونو ورسره ملتیا کوله په خپلو خبرو کې وویل: اوس مهال افغان ماشومان له لوږې، بې وزلۍ، وچکالۍ، مهاجرتونو او له جګړې پاتې ناچاودیدونکو توکو له خطر سره مخامخ دي چې جدي پاملرنې ته اړتیا لري. آغلې الونګار زیاته کړه: یونسیف سازمان په ټوله کې د ماشومانو او میندو ستونزو د رسیدنې مسوولیت پرغاړه لري. او په ټول هیواد کې یې په پالنځیو کې میشت ماشومانو سره د البسې، خوراک او ژمنیو توکو مرستې کړي دي، سروې یې ترسره کړې او په یاده برخه کې د ظرفیت لوړونې ډير کورسونه په لاره اچولې دي. هغې وویل: یونسیف سازمان چمتو دی چې په افغانستان کې د ماشومانو هر ډول ستونزې د حل په موخه مرسته وکړې او همداراز یاد سازمان په پام کې لري چې د ماشومانو وضعیت ته د غوره رسیدنې لپاره په ټول هیواد کې ۶۰۰۰ تنه ټولنیز کارکوونکي په دندو وګماري.

آخرین اطلاعیه هاآخرین اطلاعیه ها

شنبه ۱۴۰۴/۵/۲۵ - ۱۵:۴۲
Background image

د کار او ټولنیزو چارو وزارت خبرتیا!

د کار او ټولنیزو چارو وزارت دا ځل په پام کې لري، چې د تېر اعلان په تعقیب سره په ۲۳ نویو حرفو کې د هېواد په ټولو ولایتونو کې د ماهرو او مسلکي کارګرانو او په تېر یوه کال کې بېکاره . . .

شنبه ۱۴۰۳/۷/۱۴ - ۹:۲
Background image

د کارموندنې خبرتیا!

د کار او ټولنیزو چارو وزارت په پام کې لري؛ چې کار اهل کار ته د سپارلو او د متخصص او باتجربه شخص د استخدام په منظور ؛ خپل د داخلي تفتیش ریاست اړوند، د [متفتشینو لومړۍ ګروپ آمریت] د آزادی . . .

جمعه ۱۴۰۳/۷/۶ - ۱۰:۵۵
Background image

د کار او ټولنیزو چارو وزارت خبرتیا!

د کار او ټولنیزو چارو وزارت په پام کې لري، چې مسلکي کادرونو د روزلو او کارپنځونې په پار، د راډیولوژۍ او بیومیډیک انجنيرۍ د وسایلو د ترمیم په برخو کې په لاندې شرایطو برابرو هېوادوالو ته . . .

تازه خبرونه

چهارشنبه ۱۴۰۴/۷/۳۰ - ۱۵:۱۸
Background image

د کار چارو معین د نشه‌یي توکو پر وړاندې د مبارزې د نوي معین په معرفي غونډه کې ګډون او وینا وکړه 

د کار او ټولنیزو چارو وزارت؛ د کار چارو معین الحاج مولوي محمد زاهد احمدزي د نشه‌یي توکو پر وړاندې د مبارزې د نوي معین شیخ محمد قاسم خالد په معرفي غونډه کې ګډون او وینا وکړه. 
غونډې ته د. . .

چهارشنبه ۱۴۰۴/۷/۳۰ - ۱۱:۵۵
Background image

د کار او ټولنیزو چارو وزارت، په دوه‌یمه ربع کې د ۱۹۲۱ تنه ماشومانو قضیو ته رسېدنه کړې ده 

 

د کار او ټولنیزو چارو وزارت د ماشوم ساتنې ریاست د روان کال په دوه‌یمه ربع کې د ولایتي ریاستونو په هلو ځلو په هېواد کې نږدې ۱۹۲۱ تنه ردمرزي او ورک‌شویو ماشومانو قضیو ته رسېدنه کړې ده.. . .

چهارشنبه ۱۴۰۴/۷/۳۰ - ۱۱:۱۸
Background image

د کار چارو معين د صنعتکارانو له استازو سره وکتل 

د کار او ټولنیزو چارو وزارت؛ د کار چارو معين الحاج مولوي محمد زاهد احمدزي د خپل کار په دفتر کې د خصوصي سکتور اړوند د صنعتکارانو له استازو، د فابریکو او شرکتونو له مسئولینو سره وکتل.
په. . .

بیرته خبرونو ته