د ټولنیز خوندیتوب ملي کانفرانس د جوړیدو په موخه دوهیمه ناسته ترسره شوه
د کار او ټولنیزو چارو وزارت؛ د ټولن یزو چارو معین الحاج مولوي عبیدالله امینزاده؛ د ټولنیز خوندیتوب ملي کانفرانس د جوړیدو په موخه د ټولنیز معینیت اړونده مسؤلینو سره خپلمنځي ناسته ترسره شوه.
په ناسته کې د ټولنیزو چارو معین الحاج مولوي عبیدالله امینزاده د ټولنیز خوندیتوب ملي کانفرانس د جوړولو د څرنګوالي پر طرحې، ستونزو، ننګونو، ضرورتونو، راتلونکو پلانونو او د کانفرانس د جوړیدو په موخه پر هر اړخیزو خبرو او ګډو هلو ځلو پر اهمیت د بحث سربېره د ټولنیز خوندیتوب ملي کانفرانس موخې، په ټولنه کې د بېوزلۍ او فقر کچې راټیتیدل، د کار، ښوونې او روزنې او روغتیا سربېره زیانمنو اقشارو، یتیمو او بېسرپرستو ماشومانو ته د ژوندانه د نورو سهولتونو برابریدل یاد کړل.
مولوي امینزاده زیاته کړه: د کانفرانس د جوړولو نورې اساسي موخې د زیانمنو اقشارو، بېوزله او فقیرو ماشومانو او ښځو له حقوقو څخه د اسلامي شریعت په رڼا کې په ټوله معنا دفاع او په ټولنه کې د ټولنیز عدالت ټینګښت؛ د اړمنو کورنیو د ژوند د کیفیت لوړول او په ټولنه او کاري چاپیریال کې د انساني وقار خونديتوب یاد کړل.
د یادولو وړ ده؛ چې د ټولنیز خوندیتوب کانفرانس د جوړیدو طرحه د کار ملي کانفرانس له جوړیدو وروسته رامنځته شوه، چې تیر کال په ارګ کې ترسره شو.
