خوست کې ۱۸۵ تنو مستحقو سوالګرو ته خوراکي توکي ووېشل شول
د خوست ولایت د کار او ټولنیزو چارو ریاست په هڅو؛ ۱۸۵ تنو مستحقو سوالګرو؛ د یو میلیون افغانیو په ارزښت لومړني خوراکي توکي لکه اوړه، ورېجې، غوړي، لوبیا، دال، چای او داسې نور توکي ترلاسه کړل.
په همدې مناسبت جوړې شوې غونډې ته د خوست ولایت د کار او ټولنیزو چارو ریاست استازي په خپلو خبرو کې وویل: یاده مرسته د امیرالمؤمنین حفظه الله تعالی د یوځانګړي فرمان د تطبیق برخه ده، چې له مخې به یې هره میاشت ثبت شویو مستحقو سوالګرو ته، چې د یو شفاف میکانیزم په اساس تثبیت شوي دي؛ نقدي او خوراکي توکو مرستې به ووېشل شي.
