د کار چارو معین د افغانستان بانک له لوی رئیس سره ولیدل
د کار ملي کانفرانس د ژمنو د تعقیب، په ټولنه کې د کوچنیو او منځیو کاروبارونو د ترویج او ودې او په ټوله کې کورنیو او بهرنیو پانګهاچوونکو ته د نورو اسانتیاوو د رامنځته کولو په موخه د کار چارو معین الحاج مولوي محمدزاهد احمدزي، د افغانستان بانک د ټولو رئیس مولوي نوراحمد آغا سره ولیدل.
د ناستې په پیل کې د کار چارو معین الحاج مولوي محمدزاهد احمدزي وویل: په ټولنه کې د بېکارۍ او فقر کچې کمښت په موخه، اړینه ده؛ چې امارتي او خصوصي سکتورونو په ګډه همغږۍ او همکارۍ فعالیت وکړي او دغه موخې ته د رسېدو لپاره د کار ملي کانفرانس د ژمنو تعقیب اړین دی.
د افغانستان بانک د ټولو رئیس مولوي نوراحمد آغا په هېواد د کار ملي کانفرانس دایرول؛ لویه او مهمه لاستهراوړنې د یادولو ترڅنګ زیاته کړه: د افغانستان بانک په هېواد کې د بېکارۍ او بېوزلۍ کچې کمښت ته ژمن دی، او په دې ډګر کې یې کوټلي ګامونه اخېستي، پر بانکو کې د خلکو په اماناتو محدودیتونه کم شوي دي، د ملي پولي واحد ارزښت ثابت ساتل شوې، هوډمن یو؛ چې د کوچنیو او منځیو کاروبارونو د ترویج او ودې په موخه هېوادوالو ته د اسلامي شریعت په چوکاټ کې لنډمهالي او منځمهالي پورونه ورکړو او باوري یو چې د افغانستان بانک د ملي ذخایرو د آزادیدو په صورت کې به په هېواد کې د فقر او بېکارۍ کچه تر ډیره بریده راټیټه شي.
په پای کې د کار چارو معین؛ د بېکارۍ او بېوزلۍ کچې په کمښت کې د افغانستان بانک هڅې وستایلې او د هغوی له ټولو فعالیتونو او هلو ځلو څخه یې مننه سربېره پانګهوالو او متشبثینو ته د نورو سهولتونو د برابریدو غوښتنه وکړه.
